చాలా రోజులైంది,మీరు అందరూ క్షేమంగా, ఆనందంగా ఉన్నారని ఆశిస్తున్నాను. ఈ రోజు మీ హృదయాన్ని ప్రోత్సహించే ఒక చిన్న సందేశాన్ని మీతో పంచుకోవాలనుకుంటున్నాను.
చదవండి!మీరు జీవితంలో ఆలస్యంగా లేరని మీ హృదయాన్ని మరోసారి గుర్తు చేసుకోనివ్వండి.
ఏప్రిల్ 8, 2026.
ఆ రోజు నేను మా నాన్నతో కలిసి ఇంటికి వస్తున్నాను. సాధారణ ప్రయాణంలా మొదలైన ఆ ప్రయాణం, జీవితాంతం గుర్తుండిపోయే ఒక సత్యాన్ని నాకు నేర్పింది.
రోడ్డు పక్కన బోగన్విల్లా పూలు(కాగితంపూలు) వికసిస్తూ కనిపించాయి. రకరకాల రంగుల్లో ఉన్న వాటి అందాన్ని చూసి నేను మురిసిపోయాను
అప్పుడే చిన్నప్పటి ఒక జ్ఞాపకం మెదిలింది.
మా అక్క పాఠశాల నుంచి ఈ పూలను తెచ్చేది. మేమిద్దరం వాటితో ఎంతో ఆనందంగా ఆడుకునేవాళ్లం. ఆ జ్ఞాపకాన్ని నేను మా నాన్నతో పంచుకున్నాను.
"ఆ రోజుల్లో ఈ మొక్కలు చాలా అరుదుగా కనిపించేవి. కొన్ని పార్కుల్లో మాత్రమే ఉండేవి. ఇప్పుడు చూడు… ఎక్కడ చూసినా ఇవే కనిపిస్తున్నాయి." అన్నారు.
ఆ ఒక్క మాట నా మనసులో నిలిచిపోయింది.
అవును…
పాత ఇళ్ల గోడల పైన పార్కుల మూలల్లో, ఎవరూ పట్టించుకోని చోట్ల నిశ్శబ్దంగా పెరుగుతూ ఉండేది. దాని అందాన్ని చూసి ఎవరూ ఆగలేదు. దాని విలువను గుర్తించలేదు.
కానీ ఈ రోజు…
ఏదో మారింది.
మొక్క మారలేదు.
పువ్వు మారలేదు.
దాని రంగు, ఆకృతి, స్వభావం ఏదీ మారలేదు.
మారింది కాలమే.
అవును, కాలం మారింది. బోగన్విల్లా ఇప్పుడు ప్రశంసించబడే కాలంలోకి అడుగుపెట్టింది!
ఇంతకాలం అది నిర్లక్ష్యం చేయబడింది. కఠినమైన పరిస్థితుల్లో కూడా వికసించే దాని సహనాన్ని ఎవరూ
ప్రశంసించలేదు. కానీ ఈ సుదీర్ఘ కాలమంతా అది అందంగా మారడానికి ప్రయత్నించలేదు. అది తన సమయం వచ్చే వరకు జీవించింది.
ఈ రోజు బోగన్విల్లా కేఫేల్లో, రెస్టారెంట్లలో, ఆధునిక ఇళ్లలో అందానికి గుర్తుగా నిలుస్తోంది. ప్రజలు దానిని ఫోటోలు తీస్తున్నారు, మెచ్చుకుంటున్నారు.
ఒకప్పుడు ఎవ్వరూ పట్టించుకోని అదే పువ్వు, ఇప్పుడు అందానికి ఒక ప్రత్యేక గుర్తింపుగా మారింది.
మన జీవితమూ ఇలాగే కదా?
ఎవరూ గుర్తించని సంవత్సరాలు,నిశ్శబ్దంగా ఎదుగుతూ, సరైన సమయం కోసం ఎదురుచూస్తూ గడిచిపోతాయి , ప్రశంసల కోసం కాదు!దేవుడు నిర్ణయించిన సమయం కోసం.
బోగన్విల్లా,తనను తాను మార్చుకోకుండా, అందరి లాగా మారాలని ప్రయత్నించకుండా,ఎన్నో సంవత్సరాలు దాని అందాన్ని ప్రపంచం గుర్తించే కాలం కోసం వేచి చూసింది.
ఎందుకంటే…
ప్రతి దానికి ఒక కాలం ఉంటుంది.
చూడబడని కాలం,
రూపుదిద్దుకునే కాలం ,
ప్రశంసించబడే కాలం.
ఈ రోజు నువ్వు కూడా అలాంటి పరిస్థితిలో ఉన్నావా?
నిర్లక్ష్యం చేయబడుతున్నట్లు అనిపిస్తుందా?
మీ వంతు సమయం కోసం ఎదురుచూస్తున్నావా?
ఎండిన నేలలో నిలబడినట్టుగా అనిపిస్తుందా?
ఎంతో కష్టపడుతున్నా ఫలితం కనిపించడం లేదా?
దేవుని చిత్తంలో నడుస్తున్నా ఏమీ జరుగడం లేదని అనిపిస్తుంద
అయితే ఈ సందేశం నీ కోసమే.
నిర్లక్ష్యం చేయబడుతున్నట్లు అనిపిస్తుందా?
మీ వంతు సమయం కోసం ఎదురుచూస్తున్నావా?
ఎండిన నేలలో నిలబడినట్టుగా అనిపిస్తుందా?
ఎంతో కష్టపడుతున్నా ఫలితం కనిపించడం లేదా?
దేవుని చిత్తంలో నడుస్తున్నా ఏమీ జరుగడం లేదని అనిపిస్తుందా?
అయితే ఈ సందేశం నీ కోసమే.
“నువ్వు ఆలస్యంగా లేవు.
నువ్వు దేవుని సమయానికి సిద్ధమవుతున్నావు.”
నీ సమయం వచ్చినప్పుడు…
నువ్వు ఎవరినీ బలవంతం చేయాల్సిన అవసరం లేదు.
ఎవరినీ వేడుకోవాల్సిన అవసరం లేదు.
నీ విలువను నిరూపించుకోవాల్సిన అవసరం లేదు.
నిన్ను నువ్వు చిన్నవాడిగా చేసుకోవాల్సిన అవసరం లేదు.
బోగన్విల్లా ఒక్కసారిగా అందంగా మారలేదు.అది తన సమయాన్ని చేరుకుంది.
ఆ సమయం రాగానే…
అన్నీ మారిపోయాయి.
ఇప్పటివరకు ప్రత్యేకంగా కనిపించని అదే మొక్క ప్రజలు ఆగి చూసే అందంగా మారింది.
అలాగే నీ జీవితంలో కూడా జరుగుతుంది.
నీ జీవితంపై దేవుడు నిర్ణయించిన ఒక పరిపూర్ణ సమయం ఉంది.
నువ్వు ఆలస్యంగా లేవు.
దేవుడు నిన్ను మరచిపోలేదు.
ఆయన దృష్టిలో నువ్వు కనిపించకుండా లేవు.
నువ్వు ఒక ప్రత్యేకమైన కాలంలో ఉన్నావు.
ప్రస్తుతం అది కనిపించని కాలం కావచ్చు.కానీ దేవుడు నీ కోసం
పనిచేస్తూనే ఉన్నాడు.
నిశ్శబ్దంగా…
కనిపించని చోట్ల…
నీ ఎదుగుదలలో…
నీ విశ్వాసాన్ని బలపరుస్తూ,నీ స్వభావాన్ని మలుస్తూ,
నీ వేర్లను మరింత లోతుగా పెంచుతూ ఉన్నాడు.
ధైర్యంగా ఉండు,తొందరపడకు!
ఎందుకంటే నీ సమయం వచ్చినప్పుడు,
అది కొంతమందికే కాదు…
అందరికీ స్పష్టంగా కనిపిస్తుంది.
ప్రపంచం మిమ్మల్ని కేవలం గుర్తించడమే కాదు
ప్రేమతో స్వీకరిస్తుంది!
మిమ్మల్ని ఘనంగా కొనియాడుతుంది!
నీ ప్రయాణాన్ని నమ్ము.
దేవుని సమయాన్ని విశ్వసించు.
బైబిల్ ఇలా చెబుతోంది:
"ప్రతి దానిని ఆయన తన కాలమందు అందముగా చేసియున్నాడు." — ప్రసంగి 3:11
లోకం నిర్ణయించిన కాలపట్టిక ప్రకారం చూస్తే నీవు వెనుకబడి ఉన్నట్టు అనిపించవచ్చు.ఎంతో ఆలస్యమైనట్టు అనిపించొచ్చు.కానీ బూడిదెకు ప్రతిగా పూదండను ఇస్తానని వాగ్దానం చేసిన దేవుడు ఎప్పుడూ ఆలస్యం చేయడు.ఆయన తన పరిపూర్ణ సమయంలో నీ జీవితాన్ని అందంగా చేయడానికి ఇప్పటికే పనిచేస్తున్నాడు.
“నీ నిరీక్షణ కాలం నిన్ను నాశనం చేయడానికి కాదు,నిన్ను నిర్మించడానికి.”
ఆరోజు చేసిన ఒక సాధారణ ప్రయాణం, నాకు ఒక అసాధారణ సత్యాన్ని నేర్పింది.
“మనం ఆలస్యంగా లేము… దేవుని సమయానికి సిద్ధమవుతున్నాం.” అనీ!
ఈ బ్లాగ్ మీకు ప్రోత్సాహాన్ని ఇచ్చి ఉంటే, మీ స్పందనను తప్పకుండా తెలియజేయండి. ��
నా ఇతర బ్లాగులను కూడా చదవండి.
చదివినందుకు ధన్యవాదాలు.
దేవుడు మిమ్మల్ని సమృద్ధిగా ఆశీర్వదించుగాక!
